叫咗$499/位嘅至尊大閘蟹任食，一開始店員會講吓點落單，每人每次限嗌三隻，食完可再嗌，每隻有四兩重，仲要全部都係公蟹，自己鍾意蟹膏多過蟹黃，咁就啱晒，啲蟹夠熱同多膏，輸咗俾隔籬枱嘅太太們，見佢哋起碼食咗三round!! 😅
除咗大閘蟹，仲有多款凍海鮮都係任食，最推介鮑魚同螺肉，爽口彈牙又大隻，長腳蟹就比較花時間拆肉，肉質都鮮甜~
仲有多款刺身同壽司，海膽帶子、珍寶赤蝦、三文魚腩同吞拿魚腩，呢幾款係必點，件件厚切肥美，另外仲食咗劍魚腩、希靈魚、鮑片、馬刀貝等等….
食完以上咁多嘢其實都飽飽地，但都想食吓熟食暖下個胃，熟食選擇都豐富，朋友竟然嗌咗個炒菜，我冇阻止佢😅，推介燒扇貝、燒菠蘿、吉列蝦、芝士年糕~
呢餐超豐富，適合想食大閘蟹之餘，又想食吓日本嘢嘅人，畢竟大閘蟹通常都係配搭中菜~
