J.moon

今日就約左好姊妹去一間好啱打咭的餐廳食飯，位置於旺角西洋菜街百寶利商業中心4樓的「J.Moon」，餐廳係以月亮做主題，天花板上吊住左好多唔同顏色的波波燈，環境佈置得好Chill好靚。j.Moon Plaza內有菠蘿、雞肉、煙內、温泉蛋、BBQ醬及蕃茄醬等，批皮係好薄身好脆口，同埋好鐘意果温泉蛋，佢啲蛋汁流入果plaza都好夾好香蛋味。Creamy Mentaiko Rigatoni with Scallop 我諗大家多數在餐廳食Pasta 都係食Spaghetti 或Angel Hair，而呢度係用上闊通粉，佢索汁能力高過一般Spaghetti，而配料有雜菌及洋蔥，配上炒得香口的煙肉粒 + 濃郁Creamy 的白汁，本身唔LIKE 食白汁的我都搞到食唔停口。炸魷魚圈呢個炸魷魚圈又係搞到我食唔停口的，外皮脆漿夠薄同脆口，加上特別調配的蛋黃醬好MATCH。Cocktail - Gemini 呢度的cocktail 係以12星座做主題的，我係6月生日架要揀返雙子座的cocktail。