普光齋

营业中

休息中

呢間齋菜館好出名，老字號，開咗好耐，我諗應該有十幾二十年噶啦。鄰近佐敦地鐵站。好容易搵到。首先，講下去嘅雀巢薯角素鱔先，切成一舊舊嘅薯仔好好味啊，表面香脆，D薯仔肉好淋，口感好好。而素鱔呢就係用冬菇整嘅，冬菇味好香。最鐘意食佢嘅香煎猴皇菇，咬落去好淋，真係以為自己食甘肉甘D芡汁整得好好，味道夠濃郁，但又唔係鹹果挺，好似食緊五花腩咁，但係一D都唔漏下次再去我都會再食多次尼味送。原個南瓜海鮮湯就有好多蟹柳粒。跟住個南瓜湯好濃郁。佢提供埋個鐵匙羹，等妳可以食到南瓜盅入面噶南瓜肉，好健康，好好味最後再點多一個鮮茄芝士素火腿焗飯。距嘅素火腿咬落去，真係好似食緊真嘅火腿一樣，簡直係真假難分。一於俾個like佢。總體嚟講，唔重味，食材新鮮，明明係食緊齊，但覺得自己喺度食緊肉，真係做得好出神入化。