同撈同煲 (堅拿道西)

营业中

休息中

年廿九，食團年飯，天氣凍凍地，一於去打邊爐。一上到去，就已經見到好多打卡位，現場以懷舊主題，呈現咗好多以70同埋80年代嘅裝修，再加上全場不停咁播放懷舊金曲，包括羅文、甄妮、梅艷芳、張國榮同譚詠麟等等，但有時就覺得嘈咗少少😂佢哋嘅材料都算新鮮，尤其是海鮮，大大隻，有鮮甜味。不過個牛就有啲失望，我叫咗封門柳，服務員仲推薦我要大碟啲，驚我唔夠食，一嚟到我已經覺得有問題，同平時我食嗰啲封門柳都唔同樣，食落去完全冇特別，只係普通牛，個價錢仲同個海鮮拼盤差不多，所以10分失望😮‍💨值得一讚嘅就係佢哋送嘅懷舊甜品，包括係啫喱，仲係有把☂️喺上面嗰種，另外仲有糖不甩，都係好味嘅。