春嬌越南河

营业中

休息中

想當年銅鑼灣間春嬌啱啱喺肺炎嘅時候開，都有幫襯過堂食。直至最近叫袋鼠外賣送貨又突然order返，但同之前真係相差好遠！我哋叫咗牛肉pho 加底+蔥油豬扒飯。豬扒飯還可以，蔥油味幾香，但係豬扒過度落鬆肉粉變得太淋冇質感。 牛肉pho 叫得外賣要求不會太高，但係得兩塊牛肉片，好似真係少咗啲。湯底偏淡，諗住清清地食一餐都還可以，但食到最尾，以為咬到不知從何而來的魚骨，一望！竟然發現係一條鐵線！！唔知係洗碗嘅鐵布定係任何工具鬆脫嘅鐵線，但真係好彩冇吞落去，如果唔係入院都似！附上圖片俾大家驚嚇一下。袋鼠外賣已經退錢，但係餐廳仲未有回覆！特登上嚟OP再提醒吓大家。