憶食尚臘味煲仔飯

营业中

休息中

今日行完圓方，咁就係呢一頭搵嘢食，咁見到呢一間餐廳，咁就同啲朋友入去試下、 因為朋友想試下，咁我哋就叫咗以下:菜心:咁食飯之前，點都要叫啲有纖維質嘅嘢幫助消化，咁其實呢個菜心幾有機， 因為食菜係我習慣。薑蔥爆雞煲：我地叫左隻例牌雞煲， 上枱嗰時啲個煲都幾大煙 ，個辣味滲到周圍都係但係都幾香嘅 。要讚嘅就係佢個醬真係幾 惹味，味道我覺得亦都幾濃味， 最主要就係個主角，隻雞幾嫩滑咁我覺得都幾好， 如果大家鍾意食雞嘅話， 可一戰。川味臘味煲仔飯: 呢個煲仔飯我覺得唔錯，因為始終呢度都係出名煲仔飯,咁其實見到個賣相都係幾靚,同埋侍應亦都放咗好多䓤花落個煲仔飯度，呢個係我最喜歡的，咁佢個腸其實辣辣地嘅，但係我覺得辣得好好食，有啲似parma ham嘅味道或者德國腸。最後如果大家想食下煲仔飯嘅話，可以試下呢間，因為我覺得佢呢間啲煲仔飯同出邊嗰啲有啲唔同， 我比較欣賞佢啲煲仔飯有創意同埋最緊要好食。