Noc Noc

营业中

休息中

超耐無去酒吧了，原來而家入去之前一律要做快測～店鋪非常貼心安排埋檢測包俾客人，一站式最岩我哋啲懶人……menu花多眼亂，bartender介紹咗啲多人叫嘅嘢俾我哋，跟佢嗌實無死！揀啲share plate，叫pizza一開六最方便，個margherita pizza鋪滿火箭菜，本身已經釀左水牛芝士，上面再瀋上多多芝士粉，滿足芝士控的大家！mussel pot都唔錯，煮得好入味，但係食起嚟依然嫩口，喺濃濃忌廉味之中，又有股淡淡嘅白酒香氣。仲有一個鐵板牛beef fajitas，佢富有中東特色，食落香口不突止，加埋啲酸酸地嘅乳酪，香濃得嚟帶種健康嘅感覺～飲品同我地叫嘅嘢食都幾搭配，fruit punch顏色鮮艷，以橙同車厘茄作襯托，內裡有種果香同苦澀嘅平衡，有層次感。orange honey也好特別，飲得出加左各種香料，應該唔係好多地方有得飲！