Le Cafe

营业中

休息中

同老公放假諗住去黃金海岸行下輕鬆下，食個下午茶，滿心歡喜 ，叫左 瑞士汁雞翼撈丁，諗住最安全，跟住我老公叫熱奶茶，我叫熱檸茶，唔夠 “一秒鐘”，我即刻同個 紮馬尾既女侍應講都係改熱奶茶，佢居然話入咗機唔改得，時間係唔夠 “一秒鐘！！” 跟住我都不自禁講句：咁快!!都未整！ 佢仲好得戚咁嘅樣唔理我! 其實叫水吧一聲改返奶茶唔係咁艱難啫!!! 都未沖！！！ 我未 遇過咁衰嘅侍應！跟住個瑞士汁雞翼撈丁出到嚟簡直係恐怖一 Pat 醬汁傑撻撻 (睇相)，味道又難食，一啲誠意煮食都冇! 即刻乜嘢心情都冇曬，諗住想輕鬆出嚟食下午茶，點知失望而回