影片
更多
2024-03-23
152 浏览
今日約左班朋友食飯, 為就腳就約左係The Wai呢間餐廳, 上網見到D圖片正正常常, 點知就中伏了!我地叫左幾樣野share, 和風西冷牛扒蕃茄湯烏冬、原條蒲燒鰻魚蕃茄湯烏冬、風乾火腿薄餅、水牛城雞翼、開心果窩夫、洋甘菊花果茶先上左2個蕃茄湯烏冬，第一次食到蕃茄湯烏冬竟然係有蕃茄顏色但係淡到幾乎無味，雖然佢好似有D蕃茄蓉 (因為都偏向杰身), 但係完全食唔到蕃茄湯味…. 烏冬太淋無乜彈性…西冷牛扒本身叫5成, 黎到就變左7成, 不過味道都算正常, 蒲燒鰻魚咪正常發揮, 就係急凍個D蒲燒鰻魚味..成餐飯黎講呢2舊算係正常…因為太嬲所以搞到唔記得左影風乾火腿薄餅同水牛城雞翼… 前者就係硬底pizza, 不過嫌佢上到黎的時候唔夠熱, 唔知係咪焗得唔夠時間… 如果你鍾意食硬餅底的pizza咁你可以叫黎食… 但我只接受到硬得黎要薄的脆餅底…Parma ham 味道偏淡…. 水牛城雞翼同開心果窩夫先夠經典…. Google話正宗水牛城雞翼應該係酸香微辣，材料係包括辣椒醬、白醋、奶油、鹽和蒜頭, 但係呢款水牛城雞翼一上個陣, 稍為近少少聞到, 已經聞到好刺鼻的白醋味…. 食落無辣椒醬同蒜頭味, 反
我地叫左幾樣野share, 和風西冷牛扒蕃茄湯烏冬、原條蒲燒鰻魚蕃茄湯烏冬、風乾火腿薄餅、水牛城雞翼、開心果窩夫、洋甘菊花果茶
先上左2個蕃茄湯烏冬，第一次食到蕃茄湯烏冬竟然係有蕃茄顏色但係淡到幾乎無味，雖然佢好似有D蕃茄蓉 (因為都偏向杰身), 但係完全食唔到蕃茄湯味…. 烏冬太淋無乜彈性…西冷牛扒本身叫5成, 黎到就變左7成, 不過味道都算正常, 蒲燒鰻魚咪正常發揮, 就係急凍個D蒲燒鰻魚味..成餐飯黎講呢2舊算係正常…
因為太嬲所以搞到唔記得左影風乾火腿薄餅同水牛城雞翼… 前者就係硬底pizza, 不過嫌佢上到黎的時候唔夠熱, 唔知係咪焗得唔夠時間… 如果你鍾意食硬餅底的pizza咁你可以叫黎食… 但我只接受到硬得黎要薄的脆餅底…Parma ham 味道偏淡….
水牛城雞翼同開心果窩夫先夠經典…. Google話正宗水牛城雞翼應該係酸香微辣，材料係包括辣椒醬、白醋、奶油、鹽和蒜頭, 但係呢款水牛城雞翼一上個陣, 稍為近少少聞到, 已經聞到好刺鼻的白醋味…. 食落無辣椒醬同蒜頭味, 反而係咸到洗腎感覺 (利申我已經剝走曬D皮黎食, hi 到勁少量的醬已經覺得咸…)
佢洋甘菊花果茶淡到好似水咁, 我淨係飲到少量洋甘菊味, 但沒有果茶…揭開都係得一個茶包, 以一大壺水沖黎飲黎講, 真係太少茶包…
成餐飯都食到傻仔咁, 咁見D甜品好似正常就叫個開心果窩夫, 點知又中伏, 正常窩夫應該係外脆內軟, 雖然佢係聞到好香蛋漿及麵粉味, 但一切落去就出事, 由外面淋到入面…(老人友善J) 公道D講佢個cream都打得creamy既, 但開心果味可以再多少少….
整體黎講, 呢間野對比價錢唔應該係咁既質素, 食完人均200蚊都覺得好似掉錢落海咁…食D唔好食的東西黎增加脂肪咁… 服務員好似趕收工咁成日想走過黎收碟, 不過公道D講態度就無乜野既....希望餐廳可以改善下, 如果唔係環境靚都無用...
张贴
