影片
更多
2020-11-21
541 浏览
今次我 mr.travelgenius 黎左元朗呢間叫做The third的coffee shop，大約開業兩個月左右，仲算係一間隱世小店，因為我住錦上路，所以成日都會黎元朗國呢度搵節目，所以今日揀左呢間cafe試下。The Third呢度好有旅行Feel, 因為佢係元朗旺中帶靜嘅小街內彎，都可以算係人地嘅後門，不過又係地鋪，但對出就係停車場，無乜遊人，又唔會有師奶買完餸係度嘈之巴閉，開揚又舒服，唔錯，秋意濃濃嘅天氣係度Hea一個下午茶都真係好似去左台灣咁😌佢嘅裝修以綠白色為主，以好多小植物襯托一種石屎森林中嘅綠洲感覺，雖然係新店，但閒日下晝去都要等位，係一間高人氣嘅Cafe黎架🥰🍹YING YANG HK$50首先介紹下佢嘅飲品先，我飲緊呢杯高身嘅係YING YANG，你睇我飲到幾Chill好似飲緊香檳咁🤣我開頭睇個名以為係人名黎lol，諗左好耐乜水係楊瑩？！😅😅😅😅點知原來係鴛鴦咁解，笑死我。呢杯鴛鴦望落同我地平時飲開嘅好唔同，因為佢用左Expresso咖啡+EARL GRAY茶葉黎沖製，香味遠超於我平時飲開嘅茶餐廳鴛鴦，整體好重花香味同咖啡甘苦味，奶同糖都偏少（我懷疑直頭無落添）
The Third呢度好有旅行Feel, 因為佢係元朗旺中帶靜嘅小街內彎，都可以算係人地嘅後門，不過又係地鋪，但對出就係停車場，無乜遊人，又唔會有師奶買完餸係度嘈之巴閉，開揚又舒服，唔錯，秋意濃濃嘅天氣係度Hea一個下午茶都真係好似去左台灣咁😌
佢嘅裝修以綠白色為主，以好多小植物襯托一種石屎森林中嘅綠洲感覺，雖然係新店，但閒日下晝去都要等位，係一間高人氣嘅Cafe黎架🥰
🍹YING YANG HK$50
首先介紹下佢嘅飲品先，我飲緊呢杯高身嘅係YING YANG，你睇我飲到幾Chill好似飲緊香檳咁🤣
我開頭睇個名以為係人名黎lol，諗左好耐乜水係楊瑩？！😅😅😅😅
點知原來係鴛鴦咁解，笑死我。呢杯鴛鴦望落同我地平時飲開嘅好唔同，因為佢用左Expresso咖啡+EARL GRAY茶葉黎沖製，香味遠超於我平時飲開嘅茶餐廳鴛鴦，整體好重花香味同咖啡甘苦味，奶同糖都偏少（我懷疑直頭無落添）所以睇落都幾深色呀。
🥃NIGHT FALL HK$50
另外仲叫左一杯好有特色嘅咖啡黎試下，佢叫Night Fall，店員話佢係一杯灰黑色嘅咖啡，原來係咖啡上再加左竹炭粉、雲呢拿粉同蜂蜜調製而成，勁好味，好岩少女飲，因為成杯咖啡好靚，好似雲石咁，影相打卡一流，飲落去又蜂蜜味偏重好易入口，唔會有好辛苦嘅咖啡苦味，女仔真係大推
其實本人幾怕咖啡果陣苦味，所以一直尋覓啲好易入口又有咖啡香味，終於搵到呢一款推薦啦～～
🥛ICE WHITE HK$45
呢杯係一款非常基本嘅白咖啡，簡單混合左鮮奶係咁多。
但原來佢咖啡豆係用左埃塞俄比亞嘅日哂豆烹調而成，勁香勁濃郁，果香味仲好豐富，簡單中有樸實無華嘅深度，鍾意咖啡嘅朋友一定要試下～
佢個香蕉鬆餅🥞比較結實，唔係太鬆軟，幾rich，但有少少乾身。
上面Topping淋左朱古力醬、香蕉片、合桃果仁，男仔女仔都適合嘅口味，正正常常，同朋友Share一齊係度Hea都幾舒服🥰 唔算得上驚為天人嘅美食 但勝在有少少似去左旅行咁 係整體氣氛嘅關係呢😍
真心唔好有太大期望, 好睇而已, 同埋食氣氛多d
张贴
