嬌姐小廚

膏蟹蒸肉餅蟹膏味濃厚，肉餅嫰滑多汁，啖啖都冧飯；雞油花雕蒸馬友嫩滑，花雕酒香令魚肉更鮮甜；冰鎮蟶子皇配XO醬，爽口惹味，非常開胃；茶皇雞半隻茶香入肉，皮脆卻唔油膩；豬扒飯厚切多汁，茄汁酸甜配飯一流；咕嚕肉酸甜夠味，帶嚟經典港式味道。
海鮮嘅價錢稍為高啲，但絕對係值得嘅美味享受。最推介紅燒豆腐，外脆內滑，完美吸收醬汁，無任何腥味，入口即化，連屋企人都搶著食，令我忍唔住想再追加！
整體食物味道地道又有創新，環境舒適，係生日聚會嘅理想選擇！