影片
更多
2021-09-26
705 浏览
留家廚房上網見到評價唔錯同埋有好多粵式功夫菜，但無論係食材、煮法同調味上都好有問題，真心我食左咁耐粵菜呢間係最難食果間留家叉燒 ($188)上網睇過條片係老闆劉健威測試邊間燒味鋪叉燒最好食，諗著佢啲叉燒應該幾好啦，咁就係訂台果陣留左份試下。叉燒有八成都係瘦既，又乾又鞋冇肉汁，肉味好淡，又唔鬆化，醃料普通，基本上成碟野得剩返果兩成半肥瘦叉燒叫做唔差，不如老闆你試下你廚房啲叉燒先啦留家煙燻雞 ($208/半隻)呢樣係全餐飯最好果樣野，隻雞嫩滑有肉味，雞皮有幾強既煙燻味同滷水味，不過停留係雞皮，雞肉係完全入唔到味既艇曬蝦醬蒸玻璃肉 ($180)豬肉部位係冇問題既，半肥瘦食落爽口，但最大問題係肉味極淡，而蝦醬又可以冇咩咸香味既，其實呢碟餸已經叫做技術含量唔高，簡簡單單用靚小小既豬肉同蝦醬，都唔差得去邊，但$180比咁既質素既肉同醬汁?屋企整都好食過佢啦太史戈渣 ($100)呢個餸係功夫菜黎，煮法複雜所以比較少中菜餐廳肯做，我未食過但上網睇過應該係外脆內軟，內餡大約係高湯咁既味道。呢件野外脆係做到，但入面既餡係完全冇任何味道蒸過火既雞蛋咁，完全就係炸左一舊冇味既野蝦子袖皮($168)蝦子袖皮個蝦
留家叉燒 ($188)
上網睇過條片係老闆劉健威測試邊間燒味鋪叉燒最好食，諗著佢啲叉燒應該幾好啦，咁就係訂台果陣留左份試下。叉燒有八成都係瘦既，又乾又鞋冇肉汁，肉味好淡，又唔鬆化，醃料普通，基本上成碟野得剩返果兩成半肥瘦叉燒叫做唔差，不如老闆你試下你廚房啲叉燒先啦
18 浏览
0 赞好
0 留言
留家煙燻雞 ($208/半隻)
呢樣係全餐飯最好果樣野，隻雞嫩滑有肉味，雞皮有幾強既煙燻味同滷水味，不過停留係雞皮，雞肉係完全入唔到味既
11 浏览
0 赞好
0 留言
艇曬蝦醬蒸玻璃肉 ($180)
豬肉部位係冇問題既，半肥瘦食落爽口，但最大問題係肉味極淡，而蝦醬又可以冇咩咸香味既，其實呢碟餸已經叫做技術含量唔高，簡簡單單用靚小小既豬肉同蝦醬，都唔差得去邊，但$180比咁既質素既肉同醬汁?屋企整都好食過佢啦
15 浏览
0 赞好
0 留言
太史戈渣 ($100)
呢個餸係功夫菜黎，煮法複雜所以比較少中菜餐廳肯做，我未食過但上網睇過應該係外脆內軟，內餡大約係高湯咁既味道。呢件野外脆係做到，但入面既餡係完全冇任何味道蒸過火既雞蛋咁，完全就係炸左一舊冇味既野
24 浏览
0 赞好
0 留言
蝦子袖皮($168)
蝦子袖皮個蝦子係鋪滿哂袖皮，但係零鮮味，袖皮個樣算完整，冇苦澀味，炆得算軟淋，但勁在成舊袖皮係完全冇味。整袖皮係麻煩，去苦澀味都搞一大輪野，去完苦味基本上袖皮係冇味既，靠個湯底比返啲鮮味佢，個廚師係去完苦味唔記得落高湯去煮？淨係用清水去煮？
16 浏览
0 赞好
0 留言
🤮鳳凰焗魚腸 ($128)🤮
焗魚腸又係啲比較少見既菜式，主要係準備功夫太多但賣唔到好價錢就少人整。我係第一次食呢個餸，睇過大約係將魚腸去腥再放落雞蛋到焗。呢個餸一食落去，極腥極臭，就算我落左好多胡椒粉都係完全辟唔到腥味，果種腥味大約係去街市買魚咁臭，不過係個口爆發出黎，絕對係我人生中食過最難食既野🤮🤮🤮食完覺得明將都唔係咁差。之後我有去食過其他餐廳既焗魚腸，人地就完全冇腥味幾好食既，呢個好明顯係餐廳問題啦
22 浏览
0 赞好
0 留言
留家炒飯 ($138)
食完魚腸我真係成個人呆左，食到懷疑人生，所以個炒飯都唔記得左影。個炒飯炒到乾身但冇飯香味，用既飯太瘦削，料又少又普通，成碟飯冇香味，連普通酒樓都不如
一間餐廳肯去做功夫菜我係欣賞既，但留家可唔可以留意下咩叫好食既功夫菜？一個普通客人唔會因為你果樣餸工序繁複就覺得好食左，最重要係出到黎個味道，果三個功夫菜一係就冇味一係就臭既，其實整到咁你不如唔好整啦
仲有我見到餐廳係話唔用任何味精，呢樣係真既，食完都冇口渴，但係呢唔用味精同唔用調味料係有分別架，廚師係連鹽都唔記得落咁，咁既質素都比得客食？呢間餐廳絕對係我人生中食過最難食既粵菜，千祈唔好去食
價錢: $323 / 位
環境: 6/10
味道: 2/10
性價比: 2/10
张贴
