影片
更多
2021-05-15
243 浏览
滿心歡喜諗住同屋企人一齊去食餐好嘅，補祝返母親節咁啦，點知竟然係去咗食垃圾，咁講都可能侮辱咗垃圾兩個字。我地食嘅係晚餐任食中菜，主打有扇貝，聖子果d海鮮野食。入門口果時仲諗住拎張卡片介紹朋友，最後真係對呢間野極度失望，$6xx三人優惠另+$160三人茶錢同服務費，呢個價錢夠食間好嘅大排檔啦。食物質素極差，魷魚過鹹，通菜無味，白鱔煮太熟已經係小事，焗蠔臭，扇貝粉，炒蟹霉，聖子苦，炸豆腐凍嘅咁都得？以我推斷間野應該係咁煮野：- 魷魚用萬年油翻炸，所以全部黑鼆鼆，上碟後再係上面加椒鹽所以好鹹。- 白鱔翻蒸所以一碟正常，一碟過熟。- 焗蠔係用蠔殼上面放蠔豉，加好多薯蓉焗，所以又腥又臭，根本唔食得人。- 扇貝係用冰鮮包裝貨，一粒粒放上去開咗嘅扇貝上蓋上面蒸，所以都唔係果隻扇貝嚟，成粒野都跌出嚟咁，食落好粉，99%似凍肉舖貨。- 炒蟹細隻到bb蟹咁已經係一個問題，而且全部都係霉嘅，一食就知死咗好耐唔新鮮啦，叫咗碟橋底炒蟹，出咗碟都唔知咩嘅出嚟，蟹胃都無清乾淨呢。- 聖子叫兩碟，一碟川味，另一碟豉椒，結果兩碟味道一樣，應該係先用水白灼，再淋汁上去，一丁點鑊氣都無，最重要係苦架。- 炸豆腐指定動作用百
我地食嘅係晚餐任食中菜，主打有扇貝，聖子果d海鮮野食。入門口果時仲諗住拎張卡片介紹朋友，最後真係對呢間野極度失望，$6xx三人優惠另+$160三人茶錢同服務費，呢個價錢夠食間好嘅大排檔啦。
食物質素極差，魷魚過鹹，通菜無味，白鱔煮太熟已經係小事，焗蠔臭，扇貝粉，炒蟹霉，聖子苦，炸豆腐凍嘅咁都得？
以我推斷間野應該係咁煮野：
- 魷魚用萬年油翻炸，所以全部黑鼆鼆，上碟後再係上面加椒鹽所以好鹹。
- 白鱔翻蒸所以一碟正常，一碟過熟。
- 焗蠔係用蠔殼上面放蠔豉，加好多薯蓉焗，所以又腥又臭，根本唔食得人。
- 扇貝係用冰鮮包裝貨，一粒粒放上去開咗嘅扇貝上蓋上面蒸，所以都唔係果隻扇貝嚟，成粒野都跌出嚟咁，食落好粉，99%似凍肉舖貨。
- 炒蟹細隻到bb蟹咁已經係一個問題，而且全部都係霉嘅，一食就知死咗好耐唔新鮮啦，叫咗碟橋底炒蟹，出咗碟都唔知咩嘅出嚟，蟹胃都無清乾淨呢。
- 聖子叫兩碟，一碟川味，另一碟豉椒，結果兩碟味道一樣，應該係先用水白灼，再淋汁上去，一丁點鑊氣都無，最重要係苦架。
- 炸豆腐指定動作用百福都可以出事，食緊火焰雪糕咁，外暖內凍，去咗平行世界。
平時食完我都唔想煩，好食一餐，唔好食都係一餐，打咁大篇野做乜，但呢間野真係唔得，咁簡單嘅雲耳同木耳都唔識分，學人開中菜館，垃圾中嘅垃圾，未食過CP值差到咁嘅餐廳，仲要係輝哥掛名舖？間舖嘅野食差到咁，可想而知佢平時食嘅野有幾難食啦。
最後我地係老闆隔離同阿姐反映野食有問題，阿姐話，如果d蝦ok，叫多兩碟食呀，我話夠啦，唔洗啦。
鹹，苦，臭，腥，霉，粉，嚡，凍，餿
集於一身
张贴