丼燃食堂

营业中

休息中

喺旺角行完街搵下有咩好食，見到呢間日式丼飯好吸引，👦🏻之前食過話都幾好食，咁就入去試下啦～有餐廳set好嘅丼飯，又有得自選配料同醬汁，很好！睇完一輪揀咗2個丼飯、2份小食同一樽飲品。🦀乜蟹都有丼 $138呢個丼飯寫住限量，材料全部都係我鍾意食嘅蟹🤤 有個蟹蓋喺面，好啱打卡😂 下面係蟹膏、蟹肉、蟹棒、蟹鉗同蟹籽，真係乜蟹都有啲，超足料！揀咗明太子醬配埋一齊食，飯底都唔少，食完一定飽！蟹膏蟹肉幾鮮味，配埋粒粒蟹籽同醬汁，飯都食多幾啖😋🦐虎燃四皇丼 $118呢個丼飯有3隻👍🏻推介，四皇係左口魚邊、三文魚、赤蝦同蟹棒，仲有埋蟹籽。揀咗海膽醬，醬汁同魚生有輕微炙燒，好香，魚油更加出！🥢鰻魚玉子燒 $28有兩件，玉子幾滑幾香甜，中間係鰻魚餡，軟棉棉，幾好食！🥢忌廉蟹肉餅 $28外脆內軟，好香脆又唔油，不錯！🥤白桃冷泡茶 $15都算大樽，幾香桃味，解渴！呢間丼飯店都幾有人氣，晚飯時間keep住有人等位。食物質素幾好，性價比都ok，不妨試一試！