泰象館

营业中

休息中

🐽 泰式豬肉紅咖哩一上枱聞到好香椰奶味，汁底濃得嚟唔水汪汪，辣度溫和帶甜。豬肉半肥瘦，入口即化，撈埋啲脆口蒜蓉包食，吸晒啲咖哩汁真係幾正🐽 燒雞全翼燒到金黃色，外皮脆卜卜，咬落有炭燒香。雞肉醃得入味，肉質夠嫩唔乾身，蘸少少酸辣汁更醒胃🐽 泰式乾炒雞肉河鑊氣十足！河粉炒到條條分明，冇黐埋一舊舊。雞肉片夠滑，加咗芥蘭、蛋絲同甜豉油，鹹甜平衡，食完成碟都唔膩🐽 飛天炒通菜用蝦醬爆得好香，菜莖爽脆冇渣。鹹香夠味但唔會死鹹，仲有少少蒜片同辣椒吊味，送飯一流 🐽 芒果沙冰真材實料，飲到芒果纖維同果香，甜度自然唔假。冰打得幼細，溶咗都仲keep到濃稠感，解辣又清爽