1
必點鹽燒三黃雞腿肉，$28有交易，肉質嫩滑多汁，
鹽燒鎖住鮮味，外皮微脆，簡單調味就好正！惹味蜜糖燒三黃雞全翼一定要叫多幾隻，微辣帶住蜜糖香甜，外皮焦香內裡多汁，$28一隻超抵食～ 麻辣雞軟骨夠晒惹味，麻香同辣度平衡得岩岩好，脆卜卜有嚼勁，點兩份先夠喉！
肉類控千祈唔好錯過鹽燒和牛牛小排，$48份量唔少，油脂分布均勻，烤得外焦裡嫩，入口即化超香濃；韓式燒牛肋肉醬香十足，肉質鬆軟唔韌，每一口都好滋味。牛油果豚肉卷好有新意，豚肉香嫩帶油香，牛油果綿密解膩，口感好清新～
海鮮揀浜燒日本活北寄貝，新鮮度滿分，肉質爽脆彈牙，鮮味直衝鼻腔，點3份先過癮！
小食同蔬菜都好出色，燒蒜蓉茄子鋪滿蒜蓉，軟糯入味；黑糖燒菠蘿香甜多汁，解膩一流；芝士黑醋無花果鹹甜交錯，芝士香濃，超有驚喜～
檸檬牛油包鬆軟帶牛油香，檸檬味清新；汁燒免治雞肉軟骨棒多汁彈牙，每款都無踩雷，想食高質燒烤就嚟呢間，絕對唔會失望！
燒烤堂
荃灣川龍街118號百悅坊12樓
