影片
更多
2020-04-25
1899 浏览
位於五星級酒店内嘅餐廳，加上米芝蓮一星嘅聲譽，絕對係唔少人慶祝節日嘅好選擇。不過，要享受到呢到嘅食物同環境，一定要有足夠嘅耐性同脾性。由於坐低咗一陣都未有侍應serve menu，只好欣賞下餐廳嘅環境 — 裝修華麗，中庭亦擺設咗個水池。一盤香脆可口嘅麵包，配上不同味道嘅橄欖油，開始咗一星美食嘅旅程。餐前小食對於唔食蕃茄嘅我算容易入口，唔會有蕃茄嘅腥味，不俗。上菜速度太慢嘅關係，食完餐前小食要去一去洗手間，位於102樓，維港海景一覽無遺。可惜嘅係，餐廳侍應冇照顧到去洗手間嘅客人，無等到番位就已經上菜，亦無用蓋蓋住。頭盤係Fassona Beef Carpaccio with Light Mustard, Artichokes and Arugula. 味道同一般生牛肉不相伯仲，所以餐廳都加上artichokes去食點綴。First course 係Paccheri Mancini with Alaska King Crab, Bisque and Olive Oil. 平時較少機會試到嘅短寬管麵幾入味，而阿拉斯加蟹肉嘅份量都幾足，比較滿意嘅一道course。Main course選擇咗s
由於坐低咗一陣都未有侍應serve menu，只好欣賞下餐廳嘅環境 — 裝修華麗，中庭亦擺設咗個水池。
一盤香脆可口嘅麵包，配上不同味道嘅橄欖油，開始咗一星美食嘅旅程。餐前小食對於唔食蕃茄嘅我算容易入口，唔會有蕃茄嘅腥味，不俗。
上菜速度太慢嘅關係，食完餐前小食要去一去洗手間，位於102樓，維港海景一覽無遺。可惜嘅係，餐廳侍應冇照顧到去洗手間嘅客人，無等到番位就已經上菜，亦無用蓋蓋住。
頭盤係Fassona Beef Carpaccio with Light Mustard, Artichokes and Arugula. 味道同一般生牛肉不相伯仲，所以餐廳都加上artichokes去食點綴。
First course 係Paccheri Mancini with Alaska King Crab, Bisque and Olive Oil. 平時較少機會試到嘅短寬管麵幾入味，而阿拉斯加蟹肉嘅份量都幾足，比較滿意嘅一道course。
Main course選擇咗sea bass，食落去略為乾身同硬，味道比伴碟嘅artichoke遜色，大為失望。
Dessert當然就選擇餐廳較為signature嘅tiramisu，味道相比其他餐廳確實略勝一籌，值得一讚👍🏼臨走搵staff埋單，等咗五至十分鐘都未有人理會。
整體嚟講，以一星餐廳嘅聲譽，食物略為失望，稍為有驚喜嘅係餐前小食同甜品。而五星級酒店嘅稱號，服務態度同速度真係有待改善。
张贴
