牛大人台灣火鍋吃到飽 (瓊華中心) (已搬遷) 新店位置

-極上和牛吃到飽套餐-湯底揀咗台灣濃香蕃茄湯～好濃郁呀～正！！揀極上和牛吃到飽套餐的話，每人會有兩粒澳洲M9和牛牛丸，唔係講笑，真係唔好以為佢係普通牛丸，好食到你會覺得叫極上和牛套餐係絕對正確！首先佢係超級無敵Juicy，牛味極香濃，牛肉極度彈牙！！！不過呢個係冇得免費追加嘅～想食就加錢啦～～～澳洲和牛M5牛肩肉又係勁正～～雖然薄薄一片，但勝在牛味香濃，煮耐咗都唔會覺得韌！！黑松露海鮮漿勁重黑松露味，淥完之後保持到彈牙嘅口感～脆肉鯇魚腩又係打邊爐必叫！！！！點解淥咗咁耐都仲可以Keep到咁爽脆架～～呢兩粒嘢麻吉燒千祈唔可以睇少～好味到暈～雖則我哋用蕃茄湯底嚟煮好似唔係好夾，但由於佢裡面嘅餡料實在太香濃，完全蓋過咗唔夾嘅蕃茄味！麻吉燒個皮好煙韌，比湯丸勁煙韌～裡面包住嘅黑芝麻 / 花生餡，超勁香甜，絕對係值得一叫再叫嘅甜品！！我哋仲叫咗啲小食，冇諗過炸魚皮係咁大碗～而且係激酥脆！！！！！！絕對唔係硬脆嗰隻，所以我哋都冇落落個鍋度淥，而係直接食！飲品叫咗柑桔椰果～可以自叫揀甜度同冰塊，我哋叫咗少甜走冰，嚟到嘅甜度剛剛好～柑桔酸酸甜甜可以解油膩感～入面仲有好多椰果～好好咬～另外出面仲可以任夾