山城小麵 (德福廣場2期)

营业中

休息中

今次到山城小麵晚餐🥢，位於九龍灣偉業街33號德福廣場二期5樓Foodeli S10號舖。 餐廳主打川菜，見到有二人套餐好抵食，山城二人餐$138 (山城牛肉麵轉刀削麵$3、 紅燒肥腸米線、 涼拌滷豬耳$10、 尖椒皮蛋、 紅糖冰粉、黑糖薑母茶、 凍豆漿$2) 。 🔸尖椒皮蛋 ～ 涼拌前菜，但味道唔夠濃。 🔸涼拌滷豬耳 ～ 脆脆的口感， 好惹味。 🔸山城牛肉刀削麵 ～ 加$3可以轉刀削麵，口感Q彈有嚼勁， 牛肉軟腍， 點了微辣， 麻的感覺偏重， 有提味的作用，越食越開胃。 🔸紅燒肥腸米線 ～ 湯頭味道又香又麻， 辣度剛剛好， 肥腸好入味。 🔸紅糖冰粉 ～ 食完辣嘢， 嘆番碗紅糖冰粉， 清甜爽滑的口感，完美的消暑甜品。 🔸黑糖薑母茶 ～ 薑味唔夠， 我喜歡重薑。 🔸凍豆漿 ～ 豆漿味道濃郁， 幾好飲。 二人套餐價錢相宜， 整體味道亦不錯😊。🏷️溫馨提示～ 整個用餐體驗均屬個人分享意見， 只作參考😊。