泰廚房子 (德福廣場1期)

营业中

休息中

早幾日去咗九龍灣泰廚房子，啲泰菜幾有水準，環境舒服，價錢都合理，啱晒朋友聚餐！開頭試咗水晶晶蒜香豬手，係冷盤，豬皮Q彈唔膩，啲豬肉冇渣，蒜蓉加入了蘿蔔蓉，味道清新得嚟又夠惹味，幾特別，再沾一沾酸汁，解膩又開胃主菜叫咗泰式炒鮮蝦金邊粉，金邊粉煙韌唔會太淋，炒到乾身唔油膩，入面有鮮蝦、蛋、芽菜同花生碎，每啖都好有層次，蝦夠大隻又爽口，帶少少辣勁更開胃。沙嗲串燒一set有半打，雞同牛各一半。雞肉嫩滑，牛肉都有肉香，沙嗲醬花生味重，唔會太甜，配埋串燒一齊食好夾。經典肉碎生菜包都幾有驚喜，肉碎加咗洋蔥等配料，炒得夠香，味道酸辣惹味好開胃，生菜新鮮爽脆，食落去冇負擔。甜品方面點咗芒果糯米飯，糯米軟熟有咬口，芒果甜得嚟好香，配埋椰漿一齊食好正。青檸梳打清新解膩，凍泰式奶茶奶味香濃又唔會太甜。泰廚房子食物有水準，味道正宗，份量足夠，價錢親民，下次再試其他菜式。