濟州燒肉食堂

营业中

休息中

今日同好耐冇見嘅朋友喺九龍灣濟州燒肉食堂食吓韓式烤肉，石頭鍋飯。餐廳服務唔錯，抽風做得幾好，食完都唔會成浸燒肉味👍菠蘿和牛五花肉牛肉已調過味，肉質嫩滑，帶有菠蘿的清甜，燒出嚟的煙香味令人食指大動，配上點醬更係絕配。牛五花芝士燒牛肉捲住芝士，芝士份量都唔少，芝士燒至半溶，口感軟糯，仲可以拉成長長嘅絲，芝士的奶香味和牛肉的鮮味完美結合，超正！煙肉大蝦蝦肉外層包著煙肉，燒出嚟的香氣撲鼻，呢個配搭幾特別。西班牙熟成豬扒換上鐵板後，原塊放上去煎。肉質厚實，一啲都唔嚡口，肉味濃，搭配醬汁，味道更上一層樓，令人回味。韓式馬鈴薯煎餅好香薯味，可以見到切成一條條嘅薯，配上沙律醬或辣醬，係一個好好嘅小食，搭配燒肉食用更加美味！石頭鍋飯米飯煮得香噴噴，底部焦脆👍👍配上各種配料，口感豐富，十分滿足！飲品柚子檸檬梳打和青檸梳打，清爽解渴，特別喺燒肉之後，飲完真係好舒服。