帕維亞意大利餐廳

营业中

休息中

九龍城一向美食如芸，是日來到pavia，同舊同事一聚，因為訂左位，準時入座，店員好快送上水、餐牌。我地睇一睇決定點個套餐，另外點個意粉。呢度其實同一般西餐廳消費差不多，不過鐘意佢小店一間，環境cozy，店員親切。是日餐湯係海鮮湯，之前都飲過，亦都幾鐘意，皆因入面有蝦，好新鮮，帶子粒、仲有魚肉同魷魚。湯頭熱，而且好濃味，冇一般忌廉、羅宋湯咁hea。蒜蓉包今次我揀左海鮮扁意粉，超足料，入面有兩隻大青口，好新鮮，啱啱熟果隻，唔係冰鮮貨。扁意粉份量都幾多，我地兩個人食。除左青口，入面都仲有大蝦肉，加埋好濃郁嘅蕃茄汁，正。扁意粉軟硬適中，比較闊身，煮得煙韌，而且好飽肚。最後係甜品，朱古力蛋糕唔會太甜，啱啱好，仲有D類似蘋果金寶咁嘅餅脆，都一樣好味。雖然上次試過佢地嘅焦糖燉蛋好好食，今次呢件蛋糕都唔錯啊。