帕維亞意大利餐廳

营业中

休息中

本身諗住去九龍城食打邊爐 咁愛人話想食西餐咁就搵間試下啦，一入到去環境真係唔錯，仲要抽緊浪漫既音樂。 未睇menu已經有麵包，仲要係好香既蒜蓉包，好食到停唔到🤤第一個菜式就係前菜飲左個龍蝦湯，好飲又香又濃，係用新鮮龍蝦出黎既味道。之後見到餐牌都唔太貴所以先叫左支白酒飲下😂好鍾意隻味😊仲要侍應好nice，會一直幫你倒酒同埋問你洗唔洗冰桶，可能驚唔凍不好飲掛😂之後到前菜叫左夏威夷pizza好脆好香好食過某知名連鎖店多多聲，芝士又濃又香。終於都食主菜了，美國安格斯牛高級少少，係個侍應咁講，不過我同愛人食落去都幾好食，五成熟，肉汁香濃，牛肉味出哂黎，仲要兩個人食都可能有少少多，可能我細食😂最尾食左個甜品係蘋果批，即焗，唔太甜岩哂愛美的女生，又脆又香多蘋果肉好味☺️呢家野的確唔錯，價錢都算西式餐廳中等價錢，幾浪漫餐廳 燈光都有果種氣氛 岩哂情侶一齊食☺️最尾飽住走，實會再試多次。