小曼谷泰國美食 (南角道)

营业中

休息中

龍年到喇🐉，我喺度祝各位身體健康💪，財源滾滾💲，萬事如意✅，食極唔肥🤤，龍馬精神😛！我希望龍年會勤力d同大家分享多d!年初二冇食中餐，同家人去咗九龍城食小曼谷🇹🇭，我相信大家唔會對呢間餐廳陌生。雖然九龍城有好多間泰國菜，小曼谷算幾有名氣，而且位置都多。年初二都坐無虛席！我好鍾意食泰皇咖哩軟殼蟹🦀，啖啖肉，唔洗處理蟹殼！配上香甜不辣嘅泰式咖喱，食極唔停！明爐魚🐟都係我必點菜式，今次就食烏頭。明爐魚最關鍵就係泰式香料，用豐富嘅泰式香料湯不斷滾咗條魚，香港到隔離枱都想叫一份。泰式拼盤就穩穩陣陣，冇特別驚喜。最後食返個🥭🥥芒果椰汁糯米飯先叫完滿，呢個糯米飯有驚喜，我真心推薦大家試！