呢間餐廳店面光鮮整潔，睇睇餐牌，食物選擇都幾多，當然唔少得泰國特飲同埋沙冰！❤️❤️
魚露生蝦
生蝦身體好粗壯！口感好好！好爽！
配埋蒜頭，好食又殺菌😄😄
我哋兩個人，佢就俾咗兩碟醬汁，非常細心，可以咬一啖，又再點幾下，始終食泰國菜，好多時都係靠靈魂醬汁加爆分😉
泰式拼盤（細）
拼盤就可以咩都試到，我最鍾意佢哋嘅春卷，入面嘅蔬菜好清甜，外面又脆卜卜，深得我心！
炒金邊粉
味道甜甜地，非常開胃
配菜份量恰到好處，每一啖都食到爽脆芽菜
成碟金邊粉，份量都好多！仲有幾隻超巨型嘅蝦，超滿足！
最期待嘅飲品，都同樣出色
超鍾意佢哋嘅菠蘿沙冰，菠蘿味道非常突出，飲到最後，都仲係滿滿嘅菠蘿香甜味❤️🔥❤️🔥
整體嚟講，成餐晚飯簡簡單單，係一餐好食嘅泰國菜😊😊
