九份飽 (黃埔新邨佳富樓)

营业中

休息中

喺紅磡有啲嘢做，朋友話有間店好想試下，我話咁就去啦，因為依家都好少行過紅磡呢邊啊！一去到見到裝修都幾靚，好有心思，希望我哋叫嘅嘢食唔好失望啦！因為而家熱辣辣呢又唔係好想食飯，我就叫咗佢個台灣擔仔米粉，朋友就叫個香酥排骨飯，我哋另外加多咗個魷魚鬚同埋兩杯抹香香珍珠奶茶！珍珠奶茶先上，一飲上去呢我就對呢間店好有期望！因為嗰隻係好味嘅抹香珍珠奶茶😍之後我個米粉就到，個湯味呢係完全九份嘅味道！完全係個米粉要配埋啲湯一齊飲一齊食！朋友個香酥排骨飯加滷肉！呢個就真係不得了啦！香酥排骨呢係完全唔肥啦，又鬆又薄，你唔會覺得好漏！另外加嗰個滷肉呢超香超好味送飯一流！個香酥魷魚鬚就真係不得了！有脆又鬆！今次成餐係超唔錯嘅體驗，大家去紅磡係可以去試吓㗎！