影片
更多
2017-05-01
452 浏览
久久未食日式野，尤其係香港有好多川式串燒但就好耐無食過日本串燒呀！今次嚟到呢到位置有啲神秘，但竟然平日都滿哂座呀！即刻勁期待～因為好多人，我地安排咗坐bar枱位。一座低就比面前嘅野吸引住，係一個好整齊嘅酒櫃呀！好酒嘅人真係唔好錯過，呢到酒類好齊全咖，仲見到有唔小好酒係到！有三種醬汁點串燒，由左至右係豆瓣醬，梅子醬同柚子醬。最中意柚子醬，帶清新嘅柚子酸甜，又有小許胡椒味。黑松露冷日本蕃茄先嚟一個前菜，見到好多枱都有叫。鮮紅色蕃茄非常大個，去咗皮，切成件狀面頭淋上黑松露。黑松露醬好香，只係小小就已經令口腔keep住有濃郁嘅香味。蕃茄夠凍又甜，食落無渣。黑松露同蕃茄呢個組合第一次試，又幾清新同開胃！豚角煮（鹿兒島）估唔到有豚角煮，貪新鮮就叫嚟試下！五花腩位肉同脂肪層層分明，厚切得嚟入口竟然有即溶嘅感覺。入口即溶嘅油香中，又帶有豚肉嘅香味，用上鹿兒島嘅黑豚肉質好好。面頭嘅蔥絲同醬汁令豚肉味道更濃郁。雞軟骨雞軟骨一定係食串燒必食嘅！雞軟骨燒到金黃，見到表面燒到好脆香口。食落層次分明，外表香脆但並無令到內類都乾身埋。咬落好爽口，但亦有juicy嘅感覺。師傅燒嘅時間掌握得好好，鹽香惹味。牛舌牛舌夠哂
今次嚟到呢到位置有啲神秘，但竟然平日都滿哂座呀！即刻勁期待～
因為好多人，我地安排咗坐bar枱位。
一座低就比面前嘅野吸引住，係一個好整齊嘅酒櫃呀！
好酒嘅人真係唔好錯過，呢到酒類好齊全咖，仲見到有唔小好酒係到！
有三種醬汁點串燒，由左至右係豆瓣醬，梅子醬同柚子醬。最中意柚子醬，帶清新嘅柚子酸甜，又有小許胡椒味。
黑松露冷日本蕃茄
先嚟一個前菜，見到好多枱都有叫。鮮紅色蕃茄非常大個，去咗皮，切成件狀面頭淋上黑松露。
黑松露醬好香，只係小小就已經令口腔keep住有濃郁嘅香味。
蕃茄夠凍又甜，食落無渣。
黑松露同蕃茄呢個組合第一次試，又幾清新同開胃！
豚角煮（鹿兒島）
估唔到有豚角煮，貪新鮮就叫嚟試下！五花腩位肉同脂肪層層分明，厚切得嚟入口竟然有即溶嘅感覺。
入口即溶嘅油香中，又帶有豚肉嘅香味，用上鹿兒島嘅黑豚肉質好好。
面頭嘅蔥絲同醬汁令豚肉味道更濃郁。
雞軟骨
雞軟骨一定係食串燒必食嘅！雞軟骨燒到金黃，見到表面燒到好脆香口。
食落層次分明，外表香脆但並無令到內類都乾身埋。
咬落好爽口，但亦有juicy嘅感覺。師傅燒嘅時間掌握得好好，鹽香惹味。
牛舌
牛舌夠哂厚身呀！口感好爽口而且一啲都唔韌！
燒得可以有火口之餘，亦鎖住哂牛舌嘅肉汁，牛味香濃。
冬菇唔會乾身，建議點柚子醬汁，食落味道會比較清新。
粟米
粟米夠哂甜，搽咗牛油好香。
粟米一啲都唔痴牙，好爽甜。用料好新鮮，用心揀！
熱稻庭烏冬
最後食個烏冬！稻庭烏冬扁身嘅，麵質帶小許咬口但唔會淋。
湯底好鮮甜，木魚味好濃郁，夠哂暖胃。
鋪仔細細，但睇得出選料用心，製作好認真。見到店員調酒好有心機，下一次再嚟必定飲翻杯呀！
张贴
