焼き鳥。来

去朋友仔九龍城屋企玩，肚餓買外賣上去食聞到燒烤嘅香味，就試下啦~除左有串燒仲有便當，一於每樣要少少，咩都試下~串燒係即叫即燒，好香呀!!

照燒雞扒便當係好抵食嘅，有齊沙律菜、小食用飲品。沙律菜脆有埋芝麻醬甜甜地。小食就係螺肉，都有唔少架，野飲要左zero咁就唔洗擔心好肥。雞扒都ok厚，照燒汁醬濃郁配飯好好食。

京蔥雞肉串大大串幾抵食，蔥燒得剛好唔會太燶，雞肉好多汁又滑。仲食左煙肉荔枝卷，我好鍾意食~煙肉唔肥燒至乾身好香口，荔枝帶甜味 overall 好不錯~