旺角88

近兩年出街食飯，好多時都係靠睇 App 決定幫襯邊間。旺角 88 就好多人推介，當然要試下。

4

一條友，本來想簡簡單單食個三餸車仔麵就算，不過想消費多啲，所以決定食串燒。最好食係香蒜燒豆卜，燒得脆卜卜之餘，上面啲蒜粒微辣，好惹味；招牌荔枝尚肉串煙肉入面包住荔枝，一鹹一甜，味道平衡；香草豬頸肉正常水準，肉質亦算肥美；金菇肥牛卷雖然細細嚿但好飽滿，如果唔落胡麻醬仲好；至於秘製汁茄子燒完仍能保留水份唔會乾噌噌，好食🤤。

2

食飽，連可樂，埋單一嚿水有找，抵食，真心推介👍。值得一提：老闆超好人。