🍢一去到門口已經聞到好大陣串燒香味, 而且訂價唔貴,我地點了11款串燒+小食+野食, 埋單都係3百幾, 食到捧住個肚走~
🍴上菜都好快, 等了5-10分鐘就先上了一大碟串燒~
🔹蒜香原條大茄子（$32）+蒜香豆腐皮($22), 超多蒜, 燒得勁入味!
🔸瘋狂叫咗勁多串燒😂燒鰻魚丸($22)+ 新彊羊肉串 ($18) +豬頸肉($16) + 燒雞腎($24/2串)+ 鹽燒牛舌 ($38)+ 肥腸 ($18)+ 燒原隻扇貝 ($32) 送酒一流！
最推介燒鵪鶉蛋 + 錫紙蒜蓉牛油焗什菇, 值得再encore🤤🤤
🔹另外點了手打魚三寶烏冬, 當然同日式煮法的烏冬係冇得比, 但烏冬用料係唔hea, 幾彈牙, 反而d丸比到驚喜我地, 店主話因為鰻魚餃賣晒, 比多左好多粒馬駮魚丸, 一入口就爆汁同勁彈牙😍😍
🔸橋底麻辣串串鍋係老細推介, 提供幾款辣度, 最勁去到變態辣, 岩晒中意食辣之人😱
隔離台有叫個樣都相當唔錯, 不過我地唔食得太辣就無試到啦😝
👏🏻老細同侍應都好好人, 服務一流, 見我地食完仲想送糖水比我地添~😸
雖然店內座位不多，只有幾張2-4人枱，但晚上會在門外擺放幾張摺枱，食起串燒時更有風味，而且唔太嘈，好岩三五知己相聚~👫👬👭
✔️留意出面露天位置可自備酒水🍺, 我地去前唔知無買到，食串燒送埋酒就一流😋😋
1
