天丼てんや

营业中

休息中

去完迪士尼後，搭車到最近的青衣城搵食。呢間餐廳曾經喺元朗嘅分店幫襯過，我覺得唔錯，所以就再嚟呢度幫襯。一如既往，呢間餐廳都係好多人排隊，所以今次都係要等至少20分鐘先入到。照舊嗌咗一個，冷烏冬配天婦羅，再加一個茶碗蒸同兩嚿茄子。烏冬分量偏少，烏冬配上凍冰冰嘅麵汁，再加脆卜卜新鮮炸起嘅天婦羅，味道甚佳。烏冬餐唔包嘢飲，價錢有點偏貴。但出奇地茶碗蒸幾好食，下次再去嘅時候可以再嗌。呢間餐廳有用餐時間限制，所以如果係希望可以同朋友長談嘅話，就未必係適合嘅地方。