名人館

营业中

休息中

{名人館潮洲菜 - $1400}麻甩老母生日加埋中秋節慶祝，帶佢食潮洲菜！潮洲菜出名唔平，但最得好完美嘅餐廳真係唔多，講真呢間算係中上水平，但菜式用心擺盤，打卡一流，老母好開心就夠！♦️滷水鵝片三併一上碟見到真係排得好靚，薄薄鵝片加埋千層大腸同埋墨魚！真係好吸引，不過最唔開心係全部都唔夠入味，口味比較淡而且鹵水唔算香！計埋加一呢碟嘢要過400蚊就唔算值！♦️香蒜竹炭豆腐黑蚊蚊豆腐，外皮濃濃香蒜味，炸到好脆，豆腐本身香濃豆味！呢個加份！最得意係佢可以逐舊叫，我地就叫3舊試試佢啦！♦️香芒貴妃蝦球嘩，成個擺盤勁吸睛，打卡一流呀！香芒汁唔錯，米通底香脆，蝦球好大隻，但底味不足帶唔出蝦嘅鮮味，浪費咗個咁靚嘅菜式！♦️拔絲咕嚕肉呢個係成晚最欣賞嘅菜式，用上最好的上肉，肉肉香脆有口感有肉味，咕嚕汁同配菜都做得唔錯！♦️古法砂鍋扣龍躉呢個好味，而且份量好足，龍躉、燒肉、冬菇、鮮竹樣樣齊，龍躉肉實又香，食到停唔到口！♦️香蒜籠仔蒜蝦飯籠仔蒸飯好好味，飯底仲係蛋白炒飯，用蒜油黎炒，香味十足但比較油膩，用上細隻開邊海蝦，海蝦香甜但由於太細隻導致容易過熟，如果可以蒸少兩分鐘就fit 晒！美味程度：😋