青葉海鮮酒家 (青山公路 - 新墟段)

营业中

休息中

同自己屋企人做完節，又到同奶奶做節。奶奶偏愛中菜，所以揀左「青葉海鮮酒家」。入到去，要再經一段路，先見到間房。堂剪BB乳豬 (半隻)乳豬皮脆，唔油膩。但略嫌呢隻乳豬比較瘦，所以欠缺咗油脂滲出黎嘅油香。鑊仔鹹菜豬肚用火爐熱住~ 熱辣辣，豬肚易咬好食，湯內有黑椒粒，越飲越辣，好惹味。冰鎮咕嚕肉好食+吸精~咕嚕肉用冰鎮住，夠特色。肉質表面被冰糖包住，咬落脆卜卜，外凍內暖，口感好正，食唔停口。梅菜扣肉煲越唔健康，越好食。但一次半次唔怕啦~ 扣肉入口溶化，啖啖都好甘香。梅菜吸晒扣肉嘅晒甘香，餸飯一流。翡翠螺片炒鳳片翠玉瓜爽口，鳳片即係雞肉，炒得剛剛好。麥米粥 / 紅豆沙飯後仲有甜品送~ 味道唔太甜。