🟣每日鮮煲海螺雞湯
貪靚的女士們都會愛湯水,這款海螺雞湯,每天都是早上新鮮即煲仔,真材實料,入口鮮甜,啱晒我哋兩個潮媽滋補養顏啊!
🟣酸辣無骨鳳爪
無骨鳳爪,爽口彈牙,秘製酸辣汁熱醃得非常入味,底部也有很多自家製的醃芹菜,微辣爽脆又滿油有麻油香,絕對酸香醒胃
🟣無骨口水雞
好閨蜜極推介我食呢個無骨口水雞,仲大贊食過番尋味，雞肉嫩滑，連雞胸位置也是Juicy的,雞皮爽口彈牙絕無油膩感,最正係個自家製的天然香料五辛口水雞汁,採用各種不同的香料烹煮混合而成,絕無唔似出面嗰啲油淋淋嘅口水汁,天然的麻辣味更加吸引呀！
🟣自家製雞湯浸娃娃菜
娃娃菜索哂自家製雞湯汁,富有爽甜的鹹鮮味
🟣蒜香辣椒焗蠔撈蒟蒻麵
舖上枱已有很香的蒜香焗味,雖然生蠔不是很大隻,但是非常新鮮,最正係原汁原味蠔水充滿的蒜蓉味,超級惹味,用嚟撈麵食真係一流呀！餐廳主打蒟蒻餐,以蒟蒻取代五糧,蒟蒻麵煙韌剔透,睇落似芋絲,入口非常爽口彈牙,配料還有很多青瓜絲,生菜絲,甘筍絲,魚乾仔,淋上林自家鰹魚撈麵汁和新鮮的蒜香生蠔汁，惹味又十分有口感,且蒟蒻麵份量也不少,食完絕對有飽肚之感
🟣桃香烏龍冷泡茶加$8
健康餐當然要配健康茶啦,這個烏龍茶底都幾香,清淡的茶味蘊含着陣陣的桃香,炎炎夏日確實消暑提神啊!
