-
晚市套餐可以揀starter、pasta同dessert，菜單選擇好豐富，每一樣都好好味🤤 首先starter我地揀左布袋芝士同蘑菇肉丸，布袋芝士切落有流心效果，咬落去滿口芝士香，配埋餐前法包一齊食真係好開胃！然後就係今個月限定嘅蘑菇肉丸，肉丸味道濃郁，肉汁豐富唔油膩，搭配佢哋特製蘑菇醬汁，出奇地夾呢🍄🟫
-
Pasta方面，值得一提嘅就係Pici每月限定菜式，蒜香芝士牛肝菌手切寬帶麵麵條彈牙，牛肝菌食落好香口，仲有辣味香腸雞油菇扭紋意粉，辣味適中，搭配雞油菇特別又好味！澳洲龍蝦扁麵嘅龍蝦肉質鮮嫩，扁麵吸收咗海鮮嘅精華，味道真係無得輸。
-
而甜品方面，我地叫左限定嘅榛子提拉米蘇，上層鋪滿榛子碎，內層口感綿滑，榛子香氣令tiramisu味道更加升華，推薦大家一定要去試試呀😌
