最近中環新開咗一間日本靜岡農場培養有機抹茶店，這間外賣店除咗有招牌抹茶外還有焙茶，款式比較多，有純抹茶/焙茶、配搭果汁類、配搭酒精類、配搭椰子水，還有不同款式嘅雪糕。
仲有特別之處，店員會逐杯手刷抹茶，每一位客人都可以睇到自己想飲的抹茶飲品在面前製作，一方面可以感受一下日本嘅文化，另一方面睇住店員手刷抹茶時發出『刷！刷！』聲，真係好療癒。
🌸典禮級純抹茶🌟🌟🌟🌟🌟
典禮級純抹茶超級香醇，抹茶嘅苦度適中，抹茶可以留在口中頗長嘅時間。本身勁鍾意抹茶嘅朋友一定要試吓這杯。
🌸抹茶櫻花鮮奶🌟🌟🌟🌟🌟
淡淡粉紅色的就是櫻花鮮奶，再看着店員手刷抹茶倒入鮮奶當中，有層次嘅感覺，拌勻之後飲落既有櫻花嘅味道，而且也有抹茶嘅味道，飲落非常順滑。
🌸日式芭菲🌟🌟🌟🌟🌟
有甜甜蜜蜜嘅紅豆蜜餞，有煙煙韌韌嘅抹茶蕨餅，配搭住香濃抹茶雪糕及雲呢拿雪糕，底部還有脆卜卜嘅粟米片。
🌸抹茶阿芙加朵🌟🌟🌟🌟🌟
這杯是由兩球雪糕組成的，雲呢拿雪糕非常香濃，而且奶味濃郁，抹茶雪糕也非常可口，店員還會手刷抹茶倒進雪糕杯內，令到雪糕有個半溶狀態，口感順滑。
