間餐廳裝修好優雅，連餐牌設計都睇得出好有心思🤍
嘢食擺盤靚，仲要好好味
本身唔係太鍾意食法國菜嘅我都俾佢俘虜咗♡
枱上面放咗新鮮檸檬同番茄🍋🍅
好似一秒間去咗法國莊園咁
店員話可以自己隨意加落沙律度食🍴
－
1
𑣲 Thinly Sliced Octopus
八爪魚切到薄薄一片，擺得好精緻，配埋清新檸檬汁，感覺好fresh好開胃
𑣲 Beef Tartare
面頭鋪滿炸到脆卜卜嘅薯絲，夾住嫩滑嘅牛肉他他
撈埋隻金黃色嘅鵪鶉蛋🥚
再加埋紅洋蔥、酸青瓜嗰啲配料
成個口感豐富到不得了
一啖食到脆、嫩、滑，好食到想喊啊😭
𑣲 Gratin
奶油千層薯仔雖然用料簡單
但係做法一啲都唔馬虎
每層薄薄嘅薯仔之間都夾住濃濃嘅奶油
明知好邪惡，但係忍唔住一啖接一啖食唔停
𑣲 Grilled Rib Eye Steak
我哋叫咗三成熟
塊牛扒外面燒到好香脆，裡面仲係好juicy
不過同其他前菜比，呢道反而有啲普通
食牛扒可能都係去返傳統扒房先有驚喜
𑣲 French Toast With Spice Ice Cream
朋友話嚟呢度一定要試下佢哋嘅法式多士
所以我哋就叫咗做生日甜品
面頭層焦糖唔會太甜，好啱我呢個亞洲胃
裡面軟熟又充滿奶香
配埋陣陣玉桂香味嘅雪糕
呢個配搭真係好夾～
總括嚟講，今次用餐體驗真係唔錯
相信LPM會加入我嘅返兜名單入面👍
