利是豐

营业中

休息中

今朝一早因公事要到灣仔工作，今次唔食午餐肉啦，試吓依間小店，我叫咗個 歐陸早餐 ＄49 要 吉列雞扒 配搭有沙津菜、嫩滑炒蛋、茄汁豆、香草多士，飲品例牌凍齋啡走甜，稍等一會，齋啡先上枱，飲啖先，有啡味嘅，ok嘅，最少唔似坊間大部份嘅黑水，之後 早餐到～～ 先講香草多士，夠熱，有啲脆口，香草味少許淡(👅我口味偏少少濃) ，嫩滑炒蛋夠滑夠熱有蛋香，最後試過吉列雞扒～ 熱嘅，脆嘅唯美中不足嘅，有邊比較薄身嘅過咗啲火，肉有啲啲唔夠濕潤，比較厚果邊夠濕潤，面夠脆，外脆內嫩👍🏻，$49洗得超值！戴返頭盔先，我覺得好唔好食≠你覺得好唔好食，好唔好食因人而異。