段純貞牛肉麵 (如心廣場一期)

营业中

休息中

今晚食自己，一條友去左近期好紅嘅段純貞牛肉麵試下係唔係真係咁好食。六點半入座未見人龍，一坐低叫完嘢食再望出去已經排緊隊了，好彩早左一步✌🏻睇嚟熱潮仲未減退。叫左碗經典紅燒牛肉麵同埋桂圓杞子薑母茶。上菜都算快，可能係因為佢地用餐時間只係得45分鐘😅紅燒牛肉麵湯頭濃郁，唔算太油膩。牛腱薄切，唔會散亦唔韌，份量都算多。我揀左細麵，賣點係麵上有好多氣孔，可以吸滿湯汁。湯汁掛麵嘅程度唔錯，就咁食麵都已經索到d湯，壞處就係好快淋，慢食嘅朋友把口要咬快d吞快d同時間競賽喇😬桂圓杞子薑母茶就麻麻地，比較甜同埋唔夠薑。可能我中女怕甜又怕寒啦🙈整體來講如果要排隊食就唔建議喇🙅🏻‍♀️唔係難食嘅，但係未至於要等咁耐去食囉。