台北倆伴

营业中

休息中

見圍方商場新開，又咁岩見到Gulu有得拎定飛，平日晏晝就走過黎食Lunch試下新開既餐廳 - 台北倆伴🍽️呢個係Menu，都好多選擇，Lunch仲包一杯飲品（基本冷泡茶或者奶茶)🍽️慢煮豬軟骨麻辣拌麵🍜配 桂圓紅棗茶🍜份量足，豬軟骨都煮得夠入味，拌麵個汁都好惹味吸引，但敗筆係拌麵黎講佢麵質煮得太淋☕️桂圓紅棗茶，呢個反而比想像中出息，甜度茶味適中🍽️彰化花雕雞卷便當配鳳梨烏龍冷泡茶🍚魯肉飯份量都大，飯口感好粒粒分明，而個魯肉都唔會太咸😋🐔花雕雞卷就肉質嫩滑，酒味就略嫌唔夠入味，要自己再反幾轉浸多d 花雕酒會入味同再好送飯d~🍵鳳梨烏龍冷泡茶正常冷泡茶，無咩特別，唔太甜🍽️紅燒半筋半肉手工麵配台灣奶茶🍜半筋半肉軟嫩入味，入口即化🐮雖然係湯麵，但反而冇伴麵煮到咁淋👍湯就反而冇咩特別，唔係想像中係香濃既牛肉湯🤷🏻‍♂️🧋台灣奶茶，全部飲品中最失敗係杯奶茶，一黎到睇顏色就知個奶落得太多😑果然飲落冇咩茶味，比d奶味搶哂，完全唔似一杯奶茶👻👻👻係大圍黎講都係難得一間唔錯既台式餐廳🍴下次可以再試下d小食同其他便當😋