皇室甜品 (眾安街)

营业中

休息中

今日係荃灣附近食完晚飯，心思思想食下糖水，就黎左呢到試下。由於早食晚飯，所以八點幾嘅時候唔算多人，唔駛等就有位坐。我哋一行兩個人叫咗兩個甜品，一個「紅豆相思」，係椰汁做底，有芋圓、西米、仙草、紅豆，再加左一球曲奇雪糕。芋圓就一般般冇乜芋頭味，但勝在平平哋有齊幾款配料，本身一碗$30，加一球雪糕夾埋係$38，平價糖水都算係咁。另外叫咗「原盅椰王燉蛋白雙丸」，$53相比起來有少少貴，有芝麻湯圓、芋圓，湯圓味道都OK夠口感，椰香味濃，面頭有椰漿，底層係燉蛋白，有兩種口感，加埋可以刮埋啲椰子肉嚟食，整體都幾好食。