品越越式料理 (遠東金融中心)

营业中

休息中

好耐冇嚟食午飯，今日我點咗豬扒拼雞扒餐，凍奶茶。以前係圓碟，豬扒同雞扒都係份量大大塊嘅；而家轉咗個長方形碟，份量明顯少咗；杯奶茶，睇顏色已經知道麻麻哋，唔單止冇茶香，仲有小小苦澀味！雖然有以上缺點，但都要讚吓個香茅豬扒，未擺入口已經聞到好香嘅香茅味，依然好好食；個雞扒就雞皮脆卜卜，好香口，而雞肉亦都好嫩滑。服務一般啦。今日我被安排坐係吧枱，啲枱開始已經帶點殘舊。午市係商業區食飯都係難啲搵位，就算水準一般，都一樣人山人海。