俺流塩らーめん (創紀之城五期(apm))

营业中

休息中

今日中午剛好經過apm 順便試吓呢間拉麵，來的時候好少人得兩三圍枱到，之後逐漸多人放lunch，下單後都等10分鐘先上拉麵，我同朋友陸續食完後有個女員工好快就收碗（都好正常的事），最大問題是，我仲飲緊支汽水時個女員工走過來叫我哋快啲搞掂走（但其實我哋食咗半個鐘都冇），話出面啲人排緊隊，埋單時見到有四五個人排緊隊，我哋個枱應該係迫迫地坐到4人，所以咁心急趕我哋呢枱走，但其實佢哋大可以嘗試叫我哋坐埋一邊，之後feel到佢同啲同事都開始𥄫住我哋張枱（好明顯係趕客feel），成件事好唔舒服，之後出去埋單嘅時候剛好係嗰女員工，咁我就順便善意提醒返頭先唔應該咁樣chur我哋，但佢態度還不爽。 其實成個過程由落單都只係食咗大約30分鐘，又唔係食緊快餐店，雖然食物不錯，但真心希望門店可以多加提醒員工注意飲食行業的基本禮貌🙏🏼🙏🏼🙏🏼， 竟呢間係日本過江龍，所以今次嘅體驗真係令我幾失望， 因為日本出名係好服務態度，但今次去食就真係feel唔到😅。