俺流塩らーめん (創紀之城五期(apm))

今日去APM行街，到一樓見有日本拉麵就入去試吓。平日夜晚不用排隊就可以入去。最近HSBC信用卡有優惠，叫左一碗黑蒜油熟成濃湯拉麵加俺流餃子（6件）都只是$99，相當抵食。黑蒜油湯底濃郁，隻蛋還要是流心，配上柚子絲口味比較清新。俺流餃子餃子味道不錯，不用沾汁都已很入味。俺流熟成拉麵（$66）呢碗湯底相對之下比較清淡，適合不太喜歡濃味的人，配料及肉都一樣多，性價比高。總括來說，在APM可以有$200樓下的二人晚餐，而且味道相當不錯，性價比極高，值得一試。…查看更多

發覺觀塘區嘅拉麵店唔係話好多，經過APM時見到《俺流塩ラーメン》，雖然門面又唔係話好吸引，但見佢啲拉麵又唔係話好貴，就試下佢嘅拉麵如何。睇番《俺流塩ラーメン》嘅背景，總店位於涉谷，响2010年成立，而外海分店只有香港一個地區，至今一共有8間分店，以拉麵店嚟講，都唔算少分店。我地入座時係下午茶嘅時間，店內嘅客人唔算話好多。我哋點咗《俺流芝士辛辣濃湯拉麵》同《俺流男盛拉麵》，兩款拉麵都各有特色。《俺流芝士辛辣濃湯拉麵》嘅湯底非常濃郁。睇番官方網站，佢地嘅湯底係用雞骨頭、雞腿骨和蔥花，响高壓鍋用短時間內熬製而成，睇落佢處理湯底嘅方式好簡單，但出嚟個效果非常好，加上微辣嘅湯底，將個湯進一步提鮮，加上軟硬度剛好嘅麵，掛上橙紅色嘅湯汁，麵上沾上咗邪惡嘅芝士碎，令到成個拉麵變得更加出色。而另一個拉麵係《俺流男盛拉麵》，豐盛嘅男仕套餐，包括有兩塊叉燒、兩件炸雞同一隻溏心蛋，比辛辣濃湯拉麵更豐富，賣相更加吸引。佢個炸雞簡直不得了，外脆而且肉質鮮嫩，冇雪藏味，處理得好好。湯底同樣係用雞骨頭、雞腿骨和蔥花等熬製而成，一試佢原味係好鮮味，奶白色嘅湯底帶有極香濃嘅雞味，而且一啲都唔腥，美味嘅程度係可以將個湯飲哂。以連鎖式經營嘅拉麵店，我覺得《俺流塩ラーメン》算係我食過拉麵之中，唔錯嘅拉麵店，我覺得值得一試。…查看更多

以係商場嘅拉麵黎講，佢真係算幾好食！湯底，麵質，配料都係合格以上。性價比都ok，同完全唔洗排隊🤣🍽️豚肉盛盒拉麵湯底係豬骨湯，唔會太油膩，有淡淡嘅甜味（應該係柚子）。麵質好食，有一定咬口，但唔會過淋/硬。豬肉幾好食，叉燒同豬軟骨就正常，不過豬軟骨都幾入味。蛋就普通，無乜味，勝在流心。🍽️辛辣熟成濃湯拉麵呢個湯底好食，夠惹味，又唔會太辣，大約譚仔5小辣。不過本身冇跟蛋，要另外加。叉燒就都係一樣正常。…查看更多

今日中午剛好經過apm 順便試吓呢間拉麵，來的時候好少人得兩三圍枱到，之後逐漸多人放lunch，下單後都等10分鐘先上拉麵，我同朋友陸續食完後有個女員工好快就收碗（都好正常的事），最大問題是，我仲飲緊支汽水時個女員工走過來叫我哋快啲搞掂走（但其實我哋食咗半個鐘都冇），話出面啲人排緊隊，埋單時見到有四五個人排緊隊，我哋個枱應該係迫迫地坐到4人，所以咁心急趕我哋呢枱走，但其實佢哋大可以嘗試叫我哋坐埋一邊，之後feel到佢同啲同事都開始𥄫住我哋張枱（好明顯係趕客feel），成件事好唔舒服，之後出去埋單嘅時候剛好係嗰女員工，咁我就順便善意提醒返頭先唔應該咁樣chur我哋，但佢態度還不爽。 其實成個過程由落單都只係食咗大約30分鐘，又唔係食緊快餐店，雖然食物不錯，但真心希望門店可以多加提醒員工注意飲食行業的基本禮貌🙏🏼🙏🏼🙏🏼， 竟呢間係日本過江龍，所以今次嘅體驗真係令我幾失望， 因為日本出名係好服務態度，但今次去食就真係feel唔到😅。…查看更多

那天在觀塘下著小雨，心情有點悶，就走進「俺流塩」想找點溫暖。點了碗俺流塩拉麵，熱氣撲面而來，湯頭淡淡的鹽香瞬間讓人放鬆下來。湯是用雞骨和豬骨熬的，喝起來有種樸實的溫柔，不濃烈卻很實在。麵條滑進嘴裡，彈性剛好，像是和湯底默契配合，每一口都帶著暖意。叉燒薄薄一片，入口即化，雖然不多，但味道融入湯裡，讓人覺得用心。流心蛋是整碗的靈魂，蛋黃濃稠，輕輕拌開，像是給這碗麵添了點小幸福。店裡燈光柔和，座位雖緊湊卻不壓迫，服務員的笑容也讓人安心。吃完這碗麵，雨還在下，但心裡已經晴了。這不是什麼奢華的大餐，只是簡單一碗拉麵，卻有種治癒的魔力。…查看更多

在這裡已經吃過好幾次，今天吃了他們的招牌俺流塩拉麵，湯底是鹽味路線，用雞骨和豬骨熬製，味道清爽又有深度，不會太鹹或太重口，適合大眾口味。麵條彈牙，硬度適中，吃起來不會覺得太軟或太硬，挺舒服的。配料有叉燒、流心蛋和少許蔥花，叉燒軟嫩但量少了一點，流心蛋倒是很出色，蛋黃濃郁，拌麵吃特別香。店內空間不算大，中午人多時可能要等位，但翻桌率快，通常不會等太久。整體來說，這家店的拉麵品質穩定，沒什麼大缺點，適合想快速吃一頓熱食的上班族或逛街的人。想吃得飽一點，可以加點小份飯類搭配。…查看更多

在觀塘APM逛街，肚子餓了就直奔「俺流塩」。這家拉麵店從日本涉谷來到香港，帶來一碗碗簡單卻有味道的鹽味湯底。點了招牌俺流塩拉麵，湯頭清而不淡，雞骨和豬骨熬出的香氣很自然，喝下去暖胃又舒服。麵條不算特別硬，但彈性剛好，咬下去有嚼勁，配上湯底挺搭。叉燒是薄切的那種，入口軟嫩，雖然份量不算多，但味道有融入湯汁的鹹香。旁邊的流心蛋是亮點，蛋黃濃而不膩，拌著麵吃很滿足。另外便當飯也不錯，價錢比拉麵便宜，性價比挺高的。店內環境不算寬敞，座位有點擠，但乾淨整潔，服務員態度也親切，點餐後上菜很快。整體來說，這碗拉麵沒什麼驚艷的大招，但勝在穩定，像個老朋友一樣靠得住。如果你在觀塘想吃點熱乎乎的東西，這裡是個不錯的選擇。…查看更多

晚餐時間商場各食肆都多人，見呢間有食客，但仲有位可以即入就試吓。點咗兩個拉麵，其中俺流柚子拉麵上枱時是微暖的、不夠熱，個人而言感覺好差，而麵質就尚算可以，不過$83（再加一）俾咁嘅質素我，真係唔收貨。另一個俺流熟成濃湯拉麵就正常夠熱嘅，不過得一片叉燒，拉麵份量唔多，加上本身唔包玉子（想要玉子就要另外加錢）$68（再加一）得個麵同一片叉燒，配以呢個平傭質素黎講，性價比好低。員工服務態度就正常，地方尚算闊落，唔係好逼挾啦。簡單黎講就係無下次，不推薦。…查看更多

凍冰冰天氣食返碗熱辣辣拉麵🍜好舒服成身暖晒🤩🤩辛辣熟成濃湯拉麵 $73湯底味濃，微辣，拉麵質地可選普通同軟我就簡左普通，亦可走青唐揚炸雞飯$49份量岩岩一個女仔份量，如果係男士就唔夠飽了。炸雞🍗塊好嫩，新鮮熱辣炸出來，勁好食，珍珠飯好滑😋🤤有三塊大大塊雞塊😍…查看更多

因為坑口都有分店，試過係正常水平以上，所以係apm見到就嘗嘗（加上唔使等位）我叫左個柚子拉麵，湯唔夠熱 肉厚既但鞋口，想再加點味但枱面沒有3壺醬料🥲見某些枱是有的。另一個濃湯拉麵無麥Comment. 總結我覺得水平以下唔會再試…查看更多

普通的味噌湯拉麵，個人感覺味道一般，沒驚喜也沒驚嚇。豚肉盛拉麵，湯有豆乳湯的感覺，個人覺得濃一點會更好吃些，配菜很多肉，喜歡肉的可以試下這個拉麵，半熟蛋就好好味，仲有一隻完整蛋，夠滿足。整體來說，是有點貴，不過味道可以的。…查看更多

唔知係唔係因為喺大商場入面諗住自己一定有生意，所以就可以賣貴啲嘅價錢但係食物質素卻非常一般呢？以呢一個佢哋嘅招牌菜式為例，佢個名叫俺流特製撈手，要$82再加10%服務費，份量係ok 嘅，個麵條嘅軟硬度係可以自己揀嘅，我揀咗要淋啲，但係食落又唔覺得特別淋，反而覺得幾彈牙，整體嚟講都收貨嘅，不過就真係唔值九十幾蚊。呢碗辛辣熟成濃湯搵麵，盛惠$73再加10%服務費，其實都係一碗好普通嘅拉麵，但係竟然要去到八十幾蚊，似乎有少少過份。…查看更多

同朋友一齊去食，食左兩碗拉麵，體驗極差，一到就趕客咁🥲一入去坐低見到枱面有兩杯水，上面放咗兩張紙巾，唔知杯水放咗幾耐😅睇Menu嘅時候就開始攞走枱面嘅調味料（聽佢哋話係舖頭嘅特色醬料）理解冇客，員工想早啲放工😔但當時先8:15，員工都積極邀請我哋入座。大概8:30嘢食到咗，食咗冇兩啖就有員工開始用漂白水拖地，令我哋覺得體驗極差，本來拉麵都唔太好食，加上漂白水味，感覺不佳😭又聽到其他員工不斷表達有客人嘅不滿，隔籬枱走嘅時候，不斷聽到員工暗串「咁突然走咗啊」、「係喎做咩走啊」，並企喺我哋隔離對話。令我同朋友坐立難安。另外，拉麵會有柚子皮，雖然有特色，但味道唔太match，相當唔協調。（朋友表示，出前一丁黑蒜油拉麵比較好食，唔推介大家試伏）…查看更多

今日去開APM行街，就諗住去APM度食個lunch，途中都幾想食日本拉麵，咁啱又見到呢一間舖頭，入面嘅人又幾多，於是就入咗去試啦！入到去之後呢，我哋就嗌咗兩個拉麵，分別係:1. 墨汁魷魚豚角拉麵: 整體兩個嘅面嘅份量都好多，最後我哋係食唔晒嘅！講返湯底度啦，個湯嘅味道好淡，不過飲得出係幾鮮嘅，後尾加咗好多XO醬落去，但係都冇乜味。面嘅硬度我揀咗最硬，齋食麵嘅話係唔錯嘅，因為都幾彈牙2. 自選組合: 揀咗呢個豚肉玉子，然後豬骨湯底，整體普普通通，個湯底反而仲夠味過蜜汁魷魚豚角拉麵。所有嘅面嘅硬度同埋蔥多少都可以自己選擇，個蜜汁魷魚豚角拉麵呢我係嗌咗中間嘅份量嚟嘅！ …查看更多

黑蒜油熟成濃湯拉麵蒜味唔算好濃～唔鐘意太濃蒜味既觀眾可以諗諗俺流男盛拉麵湯底濃厚～拉麵揀硬度都感覺有少少淋～叉燒厚切啖啖肉口感～炸雞勁大舊～調味唔會好濃👍但炸雞放湯上枱係咩玩法🤣盛惠$2xx💰💰💰💰💰好味指數🫵 5️⃣最佳🍻🍻🍻🍻☻非專業食評·純個人口味☻🗣️仲有咩想講無咩特別～唔難食又唔係勁好味😂炸雞放湯依個碗就難理解😅炸得咁香口但又整淋哂🥺…查看更多