村爺爺龍蝦湯.泡飯.燉湯專家

营业中

休息中

今次有嚟到一間係旺角既排隊店，舖頭外表好簡簡單單，佢係條行仔入邊，同一般嘅車仔麵檔差唔多，但係你一經過就會見到一條人龍，一定搵到佢。鮑魚花膠螺頭雞煲呢度啲出品真係真材實料㗎，足足有半隻雞，花膠，鮑魚，飲佢啲湯，好濃郁嘅雞湯，飲得出係實料。啲雞好嫩滑，啲雞胸位都唔會鞋，一啖飯一啖湯，食完都飽到上心口。龍蝦湯飯龍蝦湯飯都係呢度嘅招牌菜，龍蝦係半個原隻嘅波士頓龍蝦，上菜嘅時候會跟埋個鉗，方便你拆開啲蟹鉗黎食，除咗龍蝦，佢仲有啲元貝，青口蜆咁，簡直係一個海鮮煲，咁多海鮮，個湯就一定好鮮甜，而且每樣海鮮都好爽口。最後仲叫多咗個招牌小食，墨魚卷同埋魚腐，兩樣小食都好食，墨魚卷炸得岩岩好，魚腐就外脆內軟。