荷里活冰室 (We Go Mall )

呢間茶餐廳新開咗兩三個禮拜…價錢正正常常一般茶餐廳價錢。質素，正正常常啦。環境，座位位置有啲細，不過，其實對茶餐廳都冇乜所謂，唔會有要求。
週末去食下午茶嘅時候，大概坐咗三分之一個場。侍應有幾個企左喺度。
叫左個炸豬扒薯條，中途已經催過一次，最終竟然都係要等成30分鐘先上野食！啲員工唔會幫你去跟進，完全唔會覺得有問題！
講真，客又唔係多，員工又唔係唔夠，真心唔明白點解茶餐廳可以30分鐘先至上嘢食。唔講，我以為我食緊fine dining!
如果大家唔係有成個幾兩個鐘時間去食嘢嘅話，真心唔推介！