滑蛋叉燒飯我都自問食得唔少，呢個都算係我人生中數一數二既滑蛋叉燒飯。
好食既滑蛋，第一唔可以太熟啦，第二要同個餸平勻分到，即係要每一啖都有叉燒既存在，唔會分得太開。
樂香園既就符合左以上兩個條件，好可惜既可能因為我係外賣，拎到返公司冇左陣熱氣，所以未算係我食過最好食既。另外飯質都好緊要，我略嫌個飯生硬左d，唔知會唔會都關外賣事？
不過，係中環返工既打工仔真係幸福有好食既滑蛋飯食，下次要試下堂食睇下擊唔擊敗到我心目中no.1既大坑滑蛋飯先
另外好想讚老店主咁大年紀仲會堅持出黎開舖仲做埋收銀，頭腦清醒仲好精靈！叻仔！
