一個人下午茶時間，入去禁飛等位，等左五分鐘就有位，但服務員問搭唔搭枱，我說不搭，然後佢講咁要再等下，暫時冇枱（其實明明係有二人吉枱）。唔緊要，對唔搭枱既食客要特別安排坐位係可以理解，如事者再等左十分鐘，部份食客陸陸續續起身埋單，又再有幾張二人吉枱，可惜服務員仍然不安排坐位俾我而俾左另外其他客人入座，問服務員咩事唔俾位我，佢支支吾吾冇答我，擾攘左幾分鐘佢都係唔安排（係唔安排而唔係冇安排）坐位俾我，最後係放棄離場。
其實餐廳明明有搭枱/不搭枱既選擇俾客人，但安排上又對不搭枱既客人有*特別*照顧，咁點解唔講明餐廳所有餐枱係必須搭位？
本來諗住近近搵間餐廳食個下午茶，最終都係選擇唔等走人去左另一間食
服務員，間唔中企收銀位，戴眼鏡長頭髮有少少口音，都做左好耐架喇
以上食记乃用户个人意见 , 并不代表OpenRice之观点。
赞好
tamacat
我估到你講邊個員工，我同你遇到差唔多情況，只不過我最終肯搭檯，只不過希望安排我坐有欄位2人檯，因為我想勾住我手上物品，但係比果位女服務員不禮貌語氣對待。果位女侍應，戴眼鏡，梳馬尾，企收銀位及安排入座。希望木兆小品正視員工待客態度，我唔會再幫襯呢間野，多得呢D同公司倒米既員工
VeraLiu note
我住附近。睇完你的遭遇我都費事食得唔舒服！呢間店越做越退步！
