泰國路邊街美食

营业中

休息中

我同男朋友間唔中就要食下泰國餐頂下癮，去親九龍城都係食個幾間，今日有朋友介紹我去新野試下，佢地粉面好正宗下，重點係每款面湯底都唔一樣。 燒豬頸肉($50)本身見餐牌有隻醃豬頸肉，但係第一次試都係穩陣D叫左個燒試下，豬頸肉處理方法同之前食開既有唔同，唔會加太多醃料，肉質好爽口，外層似燒肉甘，好香口。 鴨河粉湯底好似係泰國當地食個種味道，鴨肉夠滑，有5,6舊，配菜有隻蛋同芽菜，簡簡單單，感覺似去左泰國小店食緊野甘。 椰青($25)清甜解渴，最重點係椰青入面白色椰肉，第一次食到甘滑口，朋友話呢個椰青水甘甜，椰肉都一定好食，食到最後，我用隻湯匙起勢甘挖。