極上帝王水產

今個週末嚟咗旺角兆萬中心9樓嘅帝王水產，真係食得好開心！餐廳嘅和風裝潢非常有氛圍，掛咗好多日式紅白燈籠同懸掛招牌，氣氛超有日本居酒屋feel，令人一入到去已經放鬆晒。佢哋仲有好多海鮮冰櫃，款式多到目不暇給，證明食材新鮮度高。

我哋叫咗A餐泰式燒肉放題，經電話訂座餐廳會送芝士焗龍蝦，仲有九折優惠喎！呢個芝士焗龍蝦真係必試，龍蝦肉鮮甜彈牙，芝士香濃得嚟有啲焦香，超matching。大大盤刺身新鮮美味到極致，簡直冇得彈！燒肉部分肉質嫩滑，配埋泰式香料調味，好開胃；仲有靚蝦等海鮮選擇，幾乎每款都係燒烤必殺技，食落去超滿足。店員服務親切又有禮貌，隨時幫手補充用具及介紹食物，感覺賓至如歸。

地方舒適寬敞，座位安排得合理，四周環境乾淨企理，無論係朋友聚會定家庭飯局都非常適合，門口亦寫門客人餐後嘅食評，滿滿美好回憶。整體體驗令我好想快啲再黎，性價比高又食材多元，絕對係旺角燒肉放題推介首選。